Fákta Romssa fylkkasuohkana birra

Rievdaduvvon maŋimus 02.01.2012 Ellen Fredeng

Fylkkasuohkan doaimmaha dakkár bargguid mat leat menddo stuorrát ovttaskas suohkanii nagodit okto bargat, dahje áššiid mat leat suohkaniid rasttildeaddji.

Fylkkasuohkan bargá dan badjelii ahte olles guovlu galgá leat geasuheaddji ja buorre báiki gos ássat, bargat ja eallit, ja ahte dat maiddái lea somás ja gelddolaš báiki mátkkošteapmái. Lassi árvoháhkan ja ceavzilis ovdáneapmi leat dehálaččat dán oktavuođas.

Fylkkasuohkanis lea earret eará ovddasvástádus guovlloovdánahttimis, joatkkaoahpahusas, fylkkaluottain ja almmolaš johtalusain oktan skuvlasáhtuin, almmolaš bátnedearvvašvuođa, kulturmuitosuodjaleapmi, fylkkagirjerádjosa, astoáiggieallima, tippenruđaid ja ealáhusdoarjagiid ektui. 

Stuorimus bargosuorggit leat joatkkaoahpahus ja almmolaš bátnedearvvašvuohta. Romssa fylkkasuohkanis lea ovddasvástádus ja jođiha 16 joatkkaskuvlla gos leat sullii 6200 oahppi jahkásaččat ja sullii 1500 bargi.

Bátnedivššohatbálvalusas leat 24 bátnedivššohaga main lea bissovaš doaibma, 2 buohcciviessoklinihka, ja 4 ambulerenbátnedivššohaga lassin Davvi-Norgga bátnedearvvašvuođa bálvalusa gealboguovddáš mii lea Romssas.

Fylkkadiggi mearridii golggotmánu 14. beaivvi 2003 ahte Romssa fylkkasuohkanis galgá leat parlamentáralaš stivrenvuogádat, mii mearkkaša ahte fylkkaráđđi jođiha hálddahusa. Fylkkadiggi nammada fylkkaráđi ja das lea seammalágan doaibma fylkkadikki ektui go Ráđđehusas lea Stuorradikki ektui. Fylkkaráđijođiheaddji lea alimus hálddahus jođiheaddji Fylkkasuohkanis.
Romssa fylkkasuohkanis leat čuovvovaš
etáhtat:

• Stábajođiheaddji
• Kulturetáhtta
• Johtolatetáhtta
• Plána- ja ealáhusetáhtta
• Bátnedivššohatetáhtta
• Oahpahusetáhtta

Oktasašbálvalusat leat organiserejuvvon 4 iešguhtetge guovddážii:
• Ekonomiijaguovddáš
• Doaibma-  ja huksenguovddáš
• Bargiid- ja organisašuvdnaguovddáš
• IT-guovddáš. 

Váldde oktavuođa