Erverv og sikring av friluftsområder, kap 1427 post 39
Mål for ordninga og målgruppe
For å sikre område til friluftsliv skaffar det offentlege til veie areal ved erverv av eigedomsrett eller ved avtale om varig bruksrett (servituttavtale). Det viktigaste føremålet med statlege midlar til sikring av friluftslivområde er å betre tilgjenge til friluftsområde for allmenta, særleg i nærleiken av bustadområde. Det er viktig at område som kan brukast av store folkegrupper (som t.d. allment tilgjengeleg grønstruktur i byar og tettstade) vert sikra på denne måten. Også landfaste område i kystsona har høg prioritet.
Hovudmålet for friluftslivspolitikken er at friluftslivet skal styrkjast som ein helsefremjande, trivselsskapande og miljøvenleg fritidsaktivitet. Sikring av område for friluftsliv i nærområda er også eit viktig verkemiddel i klimapolitikken. Ordninga rettar seg mot kommunar, fylkeskommunar og interkommunale friluftsråd, men lokale lag og organisasjonar m.v kan gjerne ta initiativ overfor kommunar og friluftsråd om å fremje sikringssøknad.
Kva for tiltak som kan få midlar
Søknader som er handsama og prioriterte i ein kommunal prosess etter plan- og bygningslova vil bli prioriterte. Dette aukar sjansen for at ulike interesser er ivaretekne og at sikring av friluftslivsområde skjer som ledd i ein plan for utvikling av friluftslivtilbodet i kommunen, og at ein regional eller nasjonal samanheng er vurdert. Ordninga rettar seg særleg mot areal som blir/vil bli intensivt nytta, og som bør leggjast til rette for friluftslivsføremål.
Når viktige nasjonale og regionale friluftsområde vert sikra, kan Direktoratet for naturforvaltning i einskilde høve medverke til grunnleggjande tilrettelegging som er naudsynt for at område skal vere tilgjengeleg for allmenta. Område der staten skal vere grunneigar vert prioritert for slik tilrettelegging, og er avhengig av budsjettet på det tidspunkt søknaden vert handsama.
Søknadsfrist og sakshandsaming
Søknad om statlege midlar til sikring av friluftslivsområde må fremjast for fylkeskommunen i fylket søknaden gjelder på standard søknadsskjema B-10 innan 15. januar 2010. Fylkeskommunen sender søknadene vidare til Direktoratet for naturforvaltning med ei tilråding innan 15. februar 2010. Direktoratet for naturforvaltning handsamar søknadene og skal gje melding til søkjar om utfallet innan 15. juni 2010. For rett utfylling av søknadsskjema B-10 er det utarbeidd ein eigen veiledning – Veiledning til utfylling av søknadsskjema B-10 Sikring av friluftslivsområder.
Tiltak i friluftsområder, kap 1427 post 31
Mål for ordninga og målgruppe
Midlane på denne posten skal dekkje utgifter til ulike praktiske tiltak som følgje av statleg tileigning av nasjonalt eller regionalt viktige friluftslivsområde, eller varige servituttavtaler for å sikre allmentas friluftsinteresser i slike område. Midlane kan berre nyttast til tiltak i statlege friluftslivsområde. Kommunar og interkommunale friluftsråd kan søkje, men ein frivillig organisasjon kan ta hand om den daglege drifta.
Kva for tiltak kan få tilskot
I område som er sikra med statlege friluftslivsmidlar kan staten gi midlar til å finansiere opparbeiding av området, tilrettelegging, vedlikehald og skjøtsel. Aktuelle tiltak er til dømes informasjonstavler, tilrettelegging for personar med nedsett funksjonsevne, opparbeiding av turvegar og turstigar, plassar for parkering, toalett og renovasjonsordning, badebryggje, tilplanting og liknande. DN-handbok nr. 27 – 2006 «Naturvennlig tilrettelegging for friluftsliv» og DN-handbok 16 «Friluftsområder – offentleg sikring og forvaltning» gir rettleiing, idear og tips om arbeidet. Fylkeskommunen kan og gi rettleiing om aktuelle tiltak.
Kor skal søknaden sendast
Søknaden skal sendast til fylkeskommunen i fylket søknaden gjelder
Søknadsfrist og sakshandsaming
Søknadsfristen er 15. januar 2010. Fylkeskommunen handsamar søknadene innanfor ei budsjettramme fastsett av Direktoratet for naturforvaltning og skal gi melding til søkjar om utfallet innan 15. mars 2010. Område med forvaltningsplanar vil bli prioriterte, og sjølv godt kvalifiserte søknader kan bli heilt eller delvis avslått grunna manglande budsjettmidlar.
Krav til innhald i søknaden
Søknaden skal innehalde kva for statleg sikra friluftslivsområde det gjeld og ei skisse av tiltaket/tiltaka (kan vere skriftleg, teikningar er ikkje naudsynt), framdriftsplan og budsjett. Kommune/interkommunalt friluftsråd bør utarbeide fleirårige handlingsplanar for dei løpande driftsoppgåvene i dei statlege friluftslivområda.
Søknadsskjema A-10 skal nyttast.
Rett utfylling av dette skjemaet oppfyller krava til kva søknaden skal innehalde.
Tilskudd til friluftslivstiltak, kap 1427 post 74
Mål for ordninga og målgruppe
Målet med tilskotsordninga er å medverke til stimuleringstiltak og haldningsskapande arbeid for friluftsliv, med vekt på å styrkje allmenta sine interesser. Innsatsen vil i første rekkje rettast inn mot barn, unge, funksjonshemma og etniske minoritetar. Målgruppa for ordninga er lokale lag og organisasjonar, dei regionale nettverka ”Forum for natur og friluftsliv”, Friluftslivets fellesorganisasjon (FRIFO) og eventuelle andre samskipnader av landsdekkjande, frivillige organisasjonar med friluftsliv som arbeidsområde.
Kva for tiltak kan få tilskot
Midlane skal nyttast til arbeid med og konkrete tiltak til fremje av friluftslivet som utgangspunkt for gode helsevanar og miljøhaldningar. Kvalifiserte tiltak er til dømes:
- Tiltak retta mot barn, unge og barnefamiliar.
- Tiltak som stimulerer nye grupper til deltaking i friluftslivsaktivitetar, til dømes personar med nedsett funksjonsevne og etniske minoritetar i Noreg.
- Tiltak som bidrar til å utvikle samarbeidet mellom friluftsliv og kulturminnevern.
Kor skal søknaden sendast
Søknader frå organisasjonar og lag på kommunenivå skal sendast til kommunen. Søknader om tiltak som omfattar fleire kommunar skal sendast til ein av dei involverte kommunane. Søknader frå kommunar og organisasjonar på fylkesnivå skal sendast til fylkeskommunen i det fylket søknaden gjelder. Søknader frå sentralorgan i landsdekkjande organisasjonar skal sendast til Direktoratet for naturforvaltning.
Søknadsfrist og sakshandsaming
Søknadsfristen for lag og organisasjonar på kommunenivå er 15. desember 2009. Søknadsfristen for kommunar, lag og organisasjonar på fylkesnivå og sentralorgan i landsdekkjande organisasjonar er 15. januar 2010.
Kommunen tek imot og vurderer søknader frå lokale lag og organisasjonar, og sender søknadene med ei tilråding om prioritering til fylkeskommunen saman med eventuelle søknader frå kommunen sjølv eller på vegne av fleire kommunar. Fylkeskommunen handsamar søknadene frå lokale lag og organisasjonar, kommunar og organisasjonar på fylkesnivå innafor ei budsjettramme fastsett av Direktoratet for naturforvaltning. Sjølv godt kvalifiserte søknader kan bli heilt eller delvis avslått på grunn av knappe budsjettmidlar. Direktoratet for naturforvaltning handsamar søknader frå sentralorgan i landsdekkjande organisasjonar. Alle søkjarar skal få svar innan 15. mars 2010.
Krav til innhald i søknaden
Dersom søknaden inneheld fleire prosjekt, må kvart prosjekt spesifiserast.
Søknadsskjema A-10 skal nyttast.
Rett utfylling av dette skjemaet oppfyller krava til kva søknaden skal innehalde.
Søknadene sendes til:
Troms fylkeskommune, Postboks 6600, 9296 Tromsø