Fálaldat nuorra rávisolbmuide (21-26 jagi)
Persovnnat geat leat gaskal 21-26 jagi ožžot 75 proseantta vuoládusa almmolaš bátnedearvvašvuođafálaldaga iskkadeamis ja divššus. Fálaldat guoská dutnje guhte leat gaskal 21-26 jagi dikšunjagi.
Almmuhuvvon 10.10.2023 17.06
Maŋemusat rievdaduvvon 07.10.2024 08.55
Bátnedearvvašvuođafálaldaga gustonviidodat
Bátnedearvvašvuođafálaldaga gustonviidodat galgá vuođđuduvvat juohkehačča oktagaslaš dárbbu árvvoštallamii.
Dárbbašlaš eastadeapmi ja dikšun galgá čuovvut standárdda man fylkkagielda atná dárbbašlaš bátnedearvvašvuođaveahki vuođđun vuoruhuvvon joavkkuide bátnedearvvašvuođalága ja Dearvvašvuođadirektoráhta Buorre klinihkalaš geavat bátnedearvvašvuođabálvalusas nammasaš bagadeaddji mielde.
Mii gusto jus mus leat oadjovuoigatvuođat bátnedivššu hárrái?
Dalle oaččut 75 % hálbbidusa iežat oasis maŋŋilgo oadjorefušuvdna lea gessojuvvon eret.
Geahča maiddái: