Pedagogalaš psykologalaš bálvalus (PPT)

Jus it oaččo dohkálaš ávkki dábálaš oahpahusas, de sáhttá PP-bálvalus veahkehit du ja du skuvlla dahje oahppofitnodaga buoret heivehemiin.

Gean várás lea PP-bálvalus?

Pedagogalaš-psykologalaš bálvalus (PP-bálvalus) lea daid ohppiid, fidnoohppiid ja oahppokandidáhtaid várás geat vásihit váttisin čuovvut dábálaš oahpahusa skuvllas dahje fitnodagas.

Váhnemat, oahpaheaddjit ja earát skuvllas dahje oahppofitnodagas sáhttet maid váldit oktavuođa PP-bálvalusain.

Dás lea lágidanskovvi ja pedagogalaš raporta

Guđe hástalusat dat sáhttet leat?

Hástalusaid ovdamearkan sáhttet leat giella- ja hállanváttisvuođat, oahppanváttisvuođat, lohkan- ja čállinváttisvuođat, matematihkkaváttisvuođat, eahpeverbála oahppanváttisvuođat, konsentrašuvdnaváttisvuođat, sosiála ja dovdduide čuohcci váttisvuođat, meannudanváttisvuođat, oaidnin- ja gullanváttisvuođat dahje sullasaččat.

Álki lea oažžut oktavuođa PP-bálvalusain, ja bajábealde namahuvvon hástalusat leat dušše ovdamearkkat. Jus dárbbašat háleštit soapmásiin, de sáhtát váldit oktavuođa PP-ráđđeaddiin.

Mo sáhttá PP-bálvalus veahkehit?

Rávvet ja bagadit: PP-bálvalus rávve ja bagada du dárbbuid ja du oahpahusdili oktavuođas. Jus don ražat motivašuvnnain dahje psykologalaš váttisvuođaiguin, de sáhttá PP-bálvalus leat buorre ságastallanguoibmin. PP-bálvalus ovttasbargá du skuvllain dahje oahppofitnodagain ja veahkeha gávdnat guđe heiveheami don dárbbašat vai oaččut nu buori oahpahusa go vejolaš.

Čielggadit iešguđet váttisvuođaid: PP-bálvalus kárte ja čielggada iešguđet váttisvuođaid ja hástalusaid mat dahket ahte don dárbbašat liige veahki ja heiveheami skuvllas dahje oahppofitnodagas.

Ráhkadit áššedovdi árvvoštallama: PP-bálvalus ráhkada áššedovdi árvvoštallama earret eará dárbbus erenoamášoahpahussii, viiddiduvvon áigái ja heiveheapmái fitnodagas. Dasa gáibiduvvo ahte don formálalaččat mieđihat lágideapmái dohko.

Ná válddát oktavuođa PP-bálvalusain

Digital post 

eDialog

Sensitiiva dieđut sáddejuvvojit eDialog:a bokte dása

Go geavahat Vástádusa, geavat organisašuvdnanummira 922 420 866.

E-poasta

pptvgo@tromsfylke.no

FUOMÁŠ! Ale sádde jávohisvuođageatnegasvuođa dieđuid dahje persovdnadieđuid e-poastta bokte.

P360

Vuostáiváldi namma lea "Romssa fylkkasuohkana PP-bálvalus".

Poastačujuhus

Romssa fylkasuohkan 

PPTvgo
Poastaboksa 6600
9296 Romsa

Telefovdna 

908 57 606

Telefovdnaáigi: 09:00-15:00

Doaibmajođiheaddji

Hege Leding

E-Poasta: hege.leding@tromsfylke.no

Telefovdna: 416 49 993

Báikkálaš oktavuođadieđut ​