Dán jagi fáddá
Mii dáhpáhuvvá sámepolitihkain go máilbmi min birra rievdá? Sáhttit go joatkit nu go ovdal, vai fertet go jurddašit ođđasit? Leat go riiddut stuoraservodaga ja sápmelaččaid gaskkas dušše hehttehussan ovdáneapmái, vai sáhttet go maiddái leat mielde rievdadeamen diliid buoret guvlui?
Mo hukset mii áddejumi, ásahit dialoga ja rahpat soabadeami? Oanehaččat dadjon: Mo mii Romssas sáhttit láhčit diliid vai sápmelaččat eamiálbmogin sáhttet seailluhit ja ovddidit giela, kultuvrra ja servodateallima?
Konferánssa birra
Konferánssa ulbmiljoavkkut leat almmolaš eiseválddit, politihkkárat ja hálddahuslaš bargit, Romssa sámi birrasat, ásahusat, organisašuvnnat ja eará berošteaddjit.
Konferánsa lea nuvttá, muhto dieđihuvvon oasseváldit, geat dattege eai boađe, fertejit máksit lunšša ja mállásiid. Dan dahkat eastadan dihtii borramušjávkku, ja geahpedan dihte konferánssa dálkkádatvuhttosa. Dieđit vejolaš viibama buori áiggis julie@vican.no.
Mátkki ja orruma máksá juohkehaš ieš. Jus háliida idjadit konferánsahoteallas, de mii leat várren dihto meari sajiid min oasseváldiide, maid sáhttá várret dieđihanskovi bokte.
Konferánsa dulkojuvvo sámegillii ja dárogillii. Dulkon lea Interactio appain maid sáhtát viežžat iežat jierbmetelefovdnii. Válddes mielde iežat bealjustelefovnnaid jus háliidat guldalit dulkka.
Prográmma gávdno min neahttasiidduin dalán go lea válmmas.
Bures boahtin guovtti beaivásaš fágalaš digaštallamiidda ja sosiálalaš deaivvademiide!
Dieđit dás