Ulbmil

Bargostipeanda galgá veahkehit addit dáiddáriidda vejolašvuođa viidáseappot ovddidit iežaset dáiddalaš máhtolašvuođa visuála dáiddasuorggis. Bargostipeanda galgá buoridit vejolašvuođa birget iežas dáiddárbargguin.

Stipeanda lea ru. 150 000.

Eavttut oažžut bargostipeandda

• Dáiddár galgá ássat ja doaibmat Romssa fylkkas.
• Dáiddár galgá leat ámmátdoaibmi visuála dáidagis (govvadáidagis, dáiddaduojis, govvadáidagis, jietnadáidagis, performance jna.) ja dáiddalaš doaibma galgá leat váldodoaibman.
• Dábálaččat galgá dáiddáris leat alit oahppu ja/dahje duođaštuvvon miellahttuvuohta dáiddárorganisašuvnnas.
• Dáiddárat geat leat váldimin oahpu eai sáhte ohcat bargostipeandda. Dát guoská maiddái ii-dáiddaoahpuide.

Gáibádusat ohcamii:

• Ohccit fertejit bidjat mielddusin ođasmahtton CV mas leat dieđut dáiddalaš barggu birra.
• Vuođustus ohcamii
• Iežas barggu ovdanbuktin (portfolio PDF oktan govain, jienain ja/dahje videoin).
• Galgá geavahuvvot elektrovnnalaš ohcanskovvi 

Ohcanáigemearri

Ohcanáigemearri lea golggotmánu 1. beaivve.

Mo ohcat?

Galgá geavahit elektrovnnalaš ohcanskovi mii lea fylkkasuohkana ruovttusiiddus. Ohcamat mat bohtet eará ládje go elektrovnnalaš skovvin, eai meannuduvvo.

Ohcanskovvi rahppo 01.09.2025.
 

Fagjury ja juolludeapmi

Kultur- ja dearvvašvuođa váldolávdegoddi juohká bargostipeandda fágajury evttohusa vuođul. Fágajury:s leat áirasat geain lea viiddis gelbbolašvuohta visuála dáiddasuorggis.

Stipeanda juhkkojuvvo fylkkadikkis juovlamánus.

Raporteren

Stipeandaoažžu galgá buktit čálalaš raportta guđe mearkkašumiid bargostipeanddas leamašan dáiddalaš doaimma ovddideapmái guokte mánu maŋŋá stipeandaáigodaga.

Politihkalaš mearrádusat

Njuolggadusat mearriduvvojedje kultuvrra ja dearvvašvuođa váldolávdegotti 13.05.24 áššis 26/24