Ohcanskovvi rahppo vuossárgga skábmamánu 2. beaivvi.

Ulbmilat

Doarjjaortnega ulbmilin lea doarjut visuála dáidaga ámmátlaš oasálaččaid Romssa fylkkas čájehallamiin ja fágalaš prográmmain maidda sii leat bovdejuvvon oassálastit, sihke Norggas ja olgoriikkas. Doarjjaortnet galgá váikkuhit vai Romssa fylkka dáiddáriid doaimmat bohtet oidnosii našuvnnalaččat ja riikkaidgaskasaččat, addit buoret vejolašvuođa vuovdit dáidagiiddiset čájáhusaid ja eará doaimmain, ja leat mielde nanneme fágafierpmádaga ja gelbbolašvuođa iežas fágasuorggis.
 

Gii sáhttá ohcat

Dáiddárat, dáiddaduojárat, duojárat, kuráhtorat ja dáiddaárvvoštallit geat ásset Romssa fylkkas sáhttet ohcat uhcit supmiid mátke- ja fievrridandoarjjan. Sáhtát ohcat ovttaskas artistan dahje eará ovttaskas olmmožin. Mii eat atte doarjaga jus ozat ovddasteaddjin, dahje čájehansajiid, ásahusaid, festiválaid, áigečállagiid ja eará lágideddjiid ovddas.
 

Maid sáhttá doarjja gokčat

Doarjaga sáhttá geavahit mátkegoluide, fievrruide ja dáiddabarggu dáhkideapmái Norggas ja olgoriikkas go leat:

• čájáhusat
• doaibmabijut mat ovddidit gelbbolašvuođa omd. workshops ja masterclass
• oassálastinmat lágideaddjin konferánssain dahje eará dáiddafágalaš lágidemiin

Mátkedoarjjaohcamat guossástallandoaimmaid oktavuođas galget leat bures vuođuštuvvon.
 

Maid eat sáhte doarjut

Doarjja ii addojuvvo:

• mátkkiide prošeavtta ovddideami oktavuođas
• mátkegoluide earáide go ohccái
• borramuša ja idjadeapmái
• bálká- ja honoráragoluide
• mátkkiide mat leat álggahuvvon dahje čađahuvvon ovdal go doarjjaohcan lea sáddejuvvon
• mátkkiide mat dahkkojuvvojit oahpu dahje barggu geažil
• mátkkošteamiide main ii leat dáiddalaš sisdoallu
   

Mo ohcan árvvoštallojuvvo (árvvoštallaneavttut)?

Deattuhit mátki fágalaš mearkkašumi ohcci ámmátlaš doibmii, fágalaš ovdáneapmái ja oktavuođaid čatnamii fágabirrasiiguin Norggas ja olgoriikkas. Árvvoštallan galgá maid iskat gos ja guđe arenain doaibmabidju čađahuvvo, ja guđe váikkuhus das sáhttá leat fylkka dáiddabirrasii, ovdamearkka dihte addet go ođđa máhtu ja gálggaid maid sáhttá juogadit earáiguin, buoret gelbbolašvuođa ja viiddidit fágalaš fierpmádagaid. Ohcci čilgehus manne áigu mátkkoštit, ollislaš mátkebušeahtta ja geografiija leat deaŧalaččat go árvvoštallá man ollu sáhttá juolluduvvot. 
 

Ohcanáigemearri

01.12. juohke jagi, ja 01.04. jus leat báhcán ruđat
 

Ohcama gáibádusat

Ohcamušas galgá ohcci oanehaččat čilget mátkki ulbmila, ohcci oassálastinmotivašuvnna ja addit dieđuid čájáhusbáikki dahje lágideaddji birra, ja maiddái bidjat mielde oanehis CV ja čájáhus- dahje intenšuvdnašiehtadusa čájáhusbáikkiin/lágideddjiin dahje bovdehusreivve. Ohcamis galgá boahtit ovdan ohcansubmi ja álkes mátkebušeahta ja ruhtadanplána. 
 

Váidinvejolašvuohta

Mearrádusas lea váidinvuoigatvuohta, gč. hálddašanlága § 28 nuppi oasi. Váidima galgá sáddet Romssa fylkkasuohkanii golmma vahku siste dan rájes mearrádus lea boahtán, gč. hálddašanlága § 29. Váidaga hápmi ja sisdoallu lea aiddostahttojuvvon hálddašanlága § 32:s. 
Váidin sáddejuvvo čujuhussii postmottak@tromsfylke.no. Jus fylkkasuohkan doalaha mearrádusas maŋŋá go váidalus lea boahtán, de sáddejuvvo váidalus fylkkasuohkana váiddalávdegoddái. Váiddalávdegotti mearrádus lea loahpalaš.

Máksin

Doarjja máksojuvvo maŋŋil ja go rehket ja raporta ja rehketdoallu leat sáddejuvvon sisa mearriduvvon áigemearrái, ja maiddái dan mielde mii muđui boahtá ovdan doarjjareivves.
Jus juolluduvvon ruđat eai hálddašuvvo sáddejuvvon ohcama ektui ja daid njuolggadusaid ektui mat leat biddjojuvvon, de sáhttá juolludus gessot ruovttoluotta ja máksojuvvon ruđat gáibiduvvot máksot ruovttoluotta.
 

Dieđiheapmi

Dieđiheapmi galgá dahkkot elektrovnnalaš dieđihanskoviin, mii gávdno min ruovttusiidduin. Raporta galgá čilget prošeavtta čađaheami, prošeaktačilgehusa ja doarjjaeavttuid ektui. Rehketdoallu galgá čájehit mo doarjja lea geavahuvvon ja galgá buohtastahttojuvvot sáddejuvvon bušeahtain. Doarjja RFS:s galgá spesifiserejuvvot.

Doarjjaortnegis ii leat gáibádus ahte doarjagat mat leat vuollel 500 000 ruvnno galget dárkkistuvvot. Rehketdoalu sáddema oktavuođas adnojuvvo ohcci/sáddejeaddji ovddasvástideaddjin dasa ahte rehketdoallu lea riekta čállojuvvon, ja ahte doarjja lea geavahuvvon daid rámmaid siskkobealde maidda doarjja lea juolluduvvon.
 

Mii fuomášahttit ahte ollislaš ohcan oktan mildosiiguin almmuhuvvo min poastalisttus.

Politihkalaš mearrádusat

• Romssa fylkka kultur ja dearvvašvuohta váldolávdegoddi mearridii visuálalaš dáiddasuorggi ámmátolbmuid 2024 mátke- ja fievrridandoarjja 13.05.2024, ášši 32/24.
• Romssa fylkka kultur ja dearvvašvuohta váldolávdegoddi mearridii visuálalaš dáiddasuorggi ámmátolbmuid 2025 mátke- ja fievrridandoarjja 06.03.2025, ášši 10/25.
• Romssa fylkka kultur ja dearvvašvuohta váldolávdegoddi mearridii visuálalaš dáiddasuorggi ámmátolbmuid 2026 mátke- ja fievrridandoarjja 12.05.2026, ášši 53/26.
• Ođđa njuolggadusat mátkedoarjja- ja fievrridandoarjaga várás Romssa fylkka visuála dáidaga ámmátdoaimmaheddjiide 2026 mearriduvvojedje váldolávdegottis kultuvra ja dearvvašvuohta 15.09.2026, ášši 69/26.