Ná lea dán čavčča vuosttaš oasi Kongsveien prošeavttain Hárstták-páhkas.
TFFK
Gávpotpáhkat mearriduvvojit sierra proposišuvdnan Stuorradikkis ja sihke Romssa gávpogis ja Hársttáin leat dakkár plánat. Stuorámus gávpogiin, earret eará Romssas, leat maid gávpotovdáneami šiehtadusat dahje bálkkašanšiehtadusat main lea nullalaskan persovdnabiillaid fievrredeapmái oppalaš mihttomearrin. Das ruhtaduvvojit eanet vázzin-, sihkkel- ja kollektiivajohtolaga doaimmat ja šaddá lassin dasa maid gielda ja fylkkasuohkan juo ruhtadit dáin surggiin. Dáinna lágiin sáhttet gávpotguovllut oažžut birasseasti johtalusvuogádaga ja leat mielde ovddideamen gávpogiid geasuheaddjin.
Maid mearkkaša nullalaskan mihttomearri?
Nullalaskan mihttomearri lea hábmejuvvon ná:
Gávpotguovlluin galget dálkkádatgássaluoitin, ráidu, áibmonuoskkideapmi ja jupma geahpeduvvot beaktilis areálageavahemiin ja dainna lágiin ahte olmmošfievrrideapmi laskan dahkko kollektiivafievrrádusain, sihkkelastimin ja vázzimiin.
Geavadis dat mearkkaša ahte biilajohtolat ii galgga lassánit, vaikko gávpogat sturrot. Dalle ferte láhčit dili vai ássit sáhttet mátkkoštit birasseasti vuogi mielde. Dat mearkkaša maid ahte šaddá buoret johtolat sidjiide geat fertejit vuodjit biillain.
Dákko sáhtát lohkat eambbo maid ráđđehus dadjá nullalaskan mihttomeari birra ja daid iešguđetge váikkuhangaskaomiid birra mo olahit mihttomeari.
Tenk Tromsø
Tenk Tromsø lea gávpotovddidanprošeakta gaskal Romssa suohkana, Romssa fylkkasuohkana ja Stáhta geaidnodoaimmahaga. Gávpotpáhkka lea oassin gávpotlaskanšiehtadusa vuođus, mii bođii bálkkašanšiehtadusa sadjái 2023. Sáhtát lohkat eanet gávpotpáhka ja gávpotlaskanšiehtadusa gaskavuođa birra dás.
Tenk Tromsø gávpotpáhkka dohkkehuvvui loahpalaččat Stuoradikkis miessemánus 2021, Bummaruhtasisagáibideapmi álggahuvvui ođđajagimánu 5. beaivvi 2023, ja gávpotlaskanšiehtadusa fas vuolláičállojuvvui golggotmánu 30. beaivvi 2023.
Fylkkasuohkan lea stáhtalaš bálkkašanruhtademiin 2015 rájes (gávpotlaskanruhtadeapmi 2023 rájes) erenoamážit nannen kollektiivajohtolaga áŋgiruššama. Dat lea buktán eanet bussevuolgagiid, hálbbit bussemátkkiid, ođđa duohtaáiggesystema, ođđaáigásaš bussemátkkoštanrusttegiid, ruvttodieđubálvalusa ja bileahttaoastin mobiillas ja maiddái kollektiivajuogu ja bussiid bisánansajiid huksemiid.
Loga eambbo " Tenk Tromsø " birra dás.
Dáppe gávnnat daid prošeavttaid mat galget čađahuvvot Tenk Tromsø olis.
Hársttáid-páhkka
Hársttáid -páhkka lea jagi 2015 rájes váikkuhan iešguđetlágan doaimmaide mat galget sihkkarastit Hársttáid johtalusvuogádaga mii addá buori ja sihkkaris johtolaga buot johtaleddjiide.
Hársttáid -páhkka lea ovttasbargoprošeakta gaskal Hársttáid suohkana, Romssa fylkkasuohkana ja Stáhta geaidnodoaimmahaga.
Fylkkasuohkan lea earret eará váikkohan ođđa busselinjávuogádahkii, eanet johtolatsihkkarastima Hagebyvegen:s ja Kongsvegen:s ja lea maiddái huksen bisánansajiid.
Loga eanet Hársttáid-páhka birra dás.
Dáppe gávnnat Hársttáid-páhka 2. oasi prošeavttaid birra.