Innovašuvdnaprošeakta LED Gobo Projector sihkkarvuođagalba

Fylkkasuohkan geavaha LED čuovggaid Romssa šalddis láidestit vázziid ja sihkkelastiid rivttes geainnu ala.

Bildet viser symboler på bakken. - Deaddil ja stuora govva ihtáProšeakta álggahuvvui dálvit. TFK

Sihkkelastinbálggis davábealde Romssa šaldi lea gárži, ja doppe leat váttisvuođat vázziiguin geat johtet sihkkelastinbálgás. Vázzit galget vázzit vázzinbálgás mii lea Romssa šalddi lulábealde, ja sihkkelastit galget sihkkelastit bálgás, mii lea davábealde.


Dálvet 2025/2026 lea fylkkasuohkan geahččalan LED-čuovgaprojiseret symbolaid ja johtolatgalbbaid luotta alde šalddi nannánbealde. LED Gobo-projektorat leat čuovgabálku mat projiserejit čielga symbolaid, teavsttaid dahje minstariid muhtun sadjái - dábálaččat eatnamii dahje seaidnái – geavahuvvo graverejuvvon pláhta (gobo) ja fámolaš LED čuovga.

Prošeavtta ulbmilin lea buoridit johtolatdorvvolašvuođa ja addit eambbo diehttevaš beassanvejolašvuođaid vázziide ja sihkkelastiide Romssa šalddi alde. Prošeakta lea erenoamážit oaivvilduvvon galledeaddjiide (turisttaide) geat eai dovdda guovllu, garvit vai eai mana sihkkelastinluddii go rasttildit Romssa šalddi.

Áigu bidjat eanet LED čuovggaid

Dál leat biddjon guokte projektora davábealde nannánbealde gos sihkkelbálgis álgá. Fylkkasuohkan áigu bidjat LED-čuovggaid máŋgga vázzin- ja sihkkelastinbálgáide.
Romssa šalddi nannánbealde vázzinbálgás galgá ceggejuvvot másta mas leat ođđa LED Gobo-projektorat. Dát sáhttet čájehit vázziid johtolatgalbbaid, njuollasymbolat mat čujuhit vuolggabáikái ja symbolaid mat čájehit Romssavákki girku dahje sullasaš.
Sihkkelastinbálgá Romssasullos leat plánejuvvon guokte dahje golbma projektora main leat symbolat mat galget hehttet vázziid sihkkelastinbálgái. Mihttomearrin lea oažžut dan gárvvisin skábmamánu 2026. Prošeavtta LED Gobo viiddideapmi ruhtaduvvo Áhpedoallofoandda ruđaiguin johtolatsihkkarvuođa ja turismma doaimmaide.

Guorahalai pilohtaprošeavtta beavttu

SINTEF lea čađahan iskkadeami Romssa fylkkasuohkana ovddas iskat sáhttet go LED-galbbat mat čuvget eatnamii, hehttet vázziid vázzimis sihkkelastinbálgás.

Pilohtaprošeavttas árvvoštalle LED-čuovgga projiseren galbba váikkuhusa vázziid láhttemii ja fuomášupmái. Kámeraguorahállain čađahuvvui dárkuiskkadeapmi mas ledje mielde badjel 28 000 johtaleaddjidáhta ja jearahallaniskkadeapmi mas ledje 82 dávisteaddjit mielde nannánbealde fl. 862 Romssašalddi.

Govvejuvvon LED-čuovggaid atnuiváldin johtolatgalban Romssa šaldi čájehii, ahte lei beaktilis doaibmabidju, daningo sin geat válljejedje rievttes luotta lassánii sullii 21 %:in.

Iskkadeapmi čájehii, ahte LED-čuovga, mas lei alit symbolii sihkkel, ja mas lei teaksta Bicycle Only, oktan alit symbolii vázziin, ja mas lei teaksta City Centre, lei beaktilet go dálá fysalaš galbbat. Eatnasat vástideddjiin oaivvildedje ahte galbbat leat doarvái čielgasat ja daid ipmirda bures.

Fuomášuhttet ahte iskkadeapmi čađahuvvui guovvamánu loahpa rájes cuoŋománu álggu rádjai, mii lea olggobealde seavdnjatáiggi Romssa gávpogis.

Loga raportta dás.