Dálvvi 2024/2025 rájes čađahuvvo jeavddalaš uđasdárkkistusat. Go uđasvárra lassána, de geaidnu giddejuvvo sullii 30 - 45 minuhttii ja dárkkistuvvon uđas luvvejuvvo. Dávjjit bávkalemiin de leat uđđasat unni, ja dárbu čorget uđđasa geainnuin unnu.
Duohtadieđut Ártni gásatoartnaid birra
- 24 gássatoartna
- Guokte ođđa bieggamihtidanstašuvnna, mat addet dieđuid goas lea riekta álggahit dárkkistuvvon uđđasa
- ođđa bálvalus- ja vuorkávistti
- lea maid ásahuvvon vuogádat mii bearráigeahččá jiehki guvttiin rahtárusttegiiguin/kámeraiguin mat automáhtalaččat registrerejit jiehki maiddái ihkku dahje lea skoaddu
- Lágideaddji galgá jođihit rusttega vihtta jagi skábmamánu 15. b. 2024 rájes; dasto leat vel golbma vihtta jagi lasseopšuvdna, gitta 2044 rádjái
Oassi stuorát uđassihkarastinprográmmas
Ártni uđasgáhtten lea oassi stuorát uđassihkarastinprográmmas. Eastadeaddji uđasdárkkisteapmi, mii lea vuođđuduvvon uđasdárkkistusrusttegin, bearráigehččui ja dárkkistuvvon ruvvehemiin, lea hálbbit teknologiija go tunealla dahje uđasgoavdi.
Uđasdárkkistusrusttegiid ásaheapmi lea maid birasustitlaš čoavddus, go luonddu bilisteamit leat olu unnit go ovdamearkadihte tunealla dahje uđasgoavddi ásaheapmi.