Regiovnna ekonomalaš ja sosiála ovdáneapmi

Ruovdemáđii buktá vejolašvuođaid lasihit ekonomalaš doaimmaid, ođđa bargosajiid ja buoret oktavuođaid gaskal gávpogiid ja čoahkkebáikkiid.
Ruovdemáđiioktavuohta gaskal Áhkánjárgga ja Beardogorži čatná riikkaoasi buorebut oktii fylkkaráji gaskal Nordlándda ja Romssa. Dat nannešii maiddái Narviika logistihkkaguovddážin ja das leat positiiva oalgeváikkuhusat olles riikkaoassái.

Vejolaš ođđa sisaboahtingeaidnu Romssas máttás guvlui Málat bokte dagaha ahte mátki Romssas ja Beardogoržái lea 50 minuhta oanehit. Dát dagaha dieđusge maiddái hirbmat stuorra synergiijat ruovdemáđii oktavuođas Berdui. Boahtá buorrin olles riikkaoassái ja riikii.

Didjiide ja midjiide geat dán guovllus orrut mearkkaša ruovdemáđii oaneheabbo mátkkoštanáigi, álkit leat bargomátkkošteaddji ja buoret vejolašvuođa beassat bargui, ohppui ja dearvvašvuođabálvalussii.
Dat prošeakta nannešii regiovnna ja unnidivččii gaskkaid mat dál orrot leame nu stuorrát. Romssa fylkka ruovdemáđii ii leat dušše fievrridančoavddus, muhto dat lea maid sosiála revolušuvdna mii addá ássiide nannosat gullevašvuođa ja vejolašvuođaid.
Fitnuide mat eksporterejit gálvvuid lea ruovdemáđiioktavuohta Romssa fylkii gaskal Áhkánjárgga ja Beardu hirbmat mávssolaš. Sihke hálbbes molssaeaktu, muhto geaidnu sihkkarastá maid buoret gálvofievrrideami ja hálbbit gálvvuid davvin.

Loga eambbo das guđe mearkkašupmi lea ealáhuseallimii dáppe.

Ceavzilis mátkeealáhusa oktavuođas sáhttá ruovdemáđii dahkat álkibun juohkit gussiid eanet guovlluide. Togamátki čáppa Davvi-Norgga eanadagaid čađa sáhttá leat sierra vásáhus, seamma ládje go mii oaidnit dakkár riikkain go Duiskkas ja Canada:s.

Ealáhuseallin johtolagas

Polar Park AS lea dovddus go lea máilmmi davimus elliidgárdi ja bivnnuhis báiki sihke Norgga ja olgoriikka gussiide birra jagi. Badjel 30 000 guossi jahkásaččat addá párka áidnalunddot vejolašvuođa vásihit davviriikkaid ealli luonddu lagašvuođas, ja seammás vásihit Davvi-Norgga čáppa eanadagaid. Párka lea dušše 3 km E6-geaidnoguoras, ja lea strategalaččat Romssa gávpoga ja Áhkánjárgga/Lufuohttá gaskkas. Vaikko Polar Park lea ge hui guovddážis, de ii gávdno makkárge almmolaš sáhtu njuolga Polar Parkii, ja dat lea juoga maid máŋggas jearahit. Polar Park/Sven Erik Knoff

Geahča maiddái:

Loga eambbo manne ruovdemáđii lea dehálaš dáppe

Ealáhusovddideapmái Gearggusvuhtii ja servodatsihkkarvuhtii Biras ja ceavzilvuohta