Dárbbašan go droššedoaibmalobi?

Juohkehaš gii háliida doaimmahit olbmuidfievrredeami buhtadussan (mávssu) ovddas olggobealde plánejuvvon ruvtto, mas mohtorfievrru lea registrerejuvvon gitta ovcci olbmui, ferte leat droššedoaibmalohpi. Dát guoská maiddái sidjiide geat fállet droššebálvalusaid digitála lávddiid bokte.

Droššedoaibmalobi eavttut

Mis lea njeallje oppalaš eavttu oažžut droššedoaibmalobi:

• Bistevaš ja bissovaš doaimma Norggas
• Buorre láhtten
• Dohkálaš ekonomalaš návccat
• Dohkálaš fágalaš gelbbolašvuohta

1. Don galggat jođihit bistevaš ja bissovaš doaimma Norggas

Dat mearkkaša ahte fertet leat registreren fitnodaga Ovttadatregistarii, ja ožžon fitnodat- / organisašuvdnanummara ovdal go deavddát ohcama.

Registrere fitnodagat Brønnøysund-registara neahttasiidduin 

2. Dus ferte leat buorre láhtten

Dat mearkkaša ahte dus ferte leat politiijaduođaštus sihke du fitnodahkii ja eaiggádii/beaivválašjođiheaddjái. Jus fitnodagas lea fievrridanjođiheaddji, de lea son gii dárbbaša politiijaduođaštusa. Duođaštusat eai galgga leat boarráset go golbma mánu.

Oza politiijaduođaštusa fitnodahkii 

Oza politiijaduođaštusa eaiggádii / beaivválašjođiheaddjái dahje fievrridanjođiheaddjái 

Jus leat dubmejuvvon dahje leat sáhkkohuvvon, de fertet maiddái dus leat kopiija dubmejuvvon ráŋggášteamis/sáhkkoheamis ovdal go deavddát ohcama. Váldde oktavuođa guoskevaš duopmostuoluin dahje politiijaguovlluin oažžut kopiija duomus/sáhkkoheamis.

3. Dus ferte leat dohkálaš ekonomalaš návccat

Dat mearkkaša ahte mii viežžat vearroduođaštusa ja lasseárvoduođaštusa ("vearroduođaštus") ja duođaštusa Reastaluvvanregistaris, du fitnodaga ovddas. Jus dan mieđihat, de viežžat daid dokumeanttaid automáhtalaččat.

Jus doallu lea fitnodat mii lea registrerejuvvon ovdal go golbma mánu leat vássán, de fertet bidjat mielddusin vearrodieđáhusa ja fitnodaga beaivválaš jođiheaddji duođaštusa Reastaluvvanregistaris.

Dasa lassin dárbbašat dáhkádusduođaštusa báŋkkus dahje dáhkádusfitnodagas mas lea 5000 euro sturrosaš ruhtaárvu dan vuosttaš droššedoaibmalobis ja 2500 euro boahttevaš doaibmalobiin. 

Ođđajagimánu 1. b. 2025 rájes juovlamánu 31. b. 2025 rádjái lea dáhkiduvvon jorbejuvvon submi 59 000 ruvnno vuosttaš doaibmalobis ja 29 000 ruvnno čuovvovaš doaibmalobiin.

Dáhkádusduođaštus galgá sáddejuvvot njuolga báŋkkus/dáhkádusfitnodagas doaibmalohpeeiseválddiide ovdal go du ohcan sáhttá meannuduvvot.

Fitnodagaide mat leat vuollel golbma mánu boarrásat:

Diŋgo vearroduođaštusa altinn.no:s 

Viečča Duođaštusa Reastaluvvanregisteris altinn.no:s 

4. Dus ferte leat dohkálaš fágagelbbolašvuohta

Fágagelbbolašvuođa gáibádus mearkkaša dábálaččat ahte ovttaolbmofitnodaga eaiggát dahje fitnodaga beaivválašjođiheaddji ferte duođaštit ahte lea ceavzán Stáhta geaidnodoaimmahat droššedoaibmalohpegeahččaleami.

Gáibádusa sáhttá maid deavdit jus eaiggádis lea droššedoaibmalobi fágagelbbolašvuohta ovdal skábmamánu 1.b.2020, gálvo- dahje bussedoaibmalohpi, dahje lea ožžon dohkkehuvvon duođaštusa Stáhta geaidnodoaimmahagas dahje gelbbolašvuođaduođaštussan maid almmolaš eiseválddis eará EØS-riikkas dahje Sveitsas mii duođašta vástideaddji gelbbolašvuođa.

Geasa áiggut ohcat droššedoaibmalobi?

Dáppe ozat

Ohcanskovi gávnnat Altinn neahttasiiddus. Ohcama namma galgá leat: Droššedoaibmalohpi - Organisašuvdnanamma - Suohkannamma.

Mana Altinn ohcanportálii dás 

Buhtadusat

Juohke droššedoaibmalohpi máksá 3700 ruvnnu. Sáhtát ohcat nu ollu droššedoaibmalobiid go háliidat, muhto droššedoaibmalohpi lea dušše droššebiillaide.

Ohcamiid meannudeapmi 

Mii meannudit droššedoaibmalobiid dađistaga. Go mii leat ožžon dárbbašlaš duođaštusaid ja dáhkádusjulggaštusa báŋkkus/dáhkádusfitnodagas, de dahkat juolludan mearrádusa ja sáddet doaibmalohpedokumeantta.

Gáibádus doaibmalohpeohccái - ovdal go droššedoaibmalohpi fápmuduvvo

Ovdalgo doaibmalohpi fápmuduvvo, de ferte oahpásmuvvat gáibádusaide mat gustojit droššedoaibmalohpái.

Drošše merkengáibádusat

Buot droššiin galgá unnimusat leat mielde fylkkabustávva ja doaibmalohpenummir siidouvssain. Mearka galgá leat unnimusat 10 cm allat, ja ivnnis maid lea álki oaidnit.

Gáibádusa táksamehterii ja loggemiidda

Buohkat geat doaimmahit droššebálvalusa, ferte leat táksamehter droššes. Táksamehter galgá leat monterejuvvon ja čuovgat, vai mielčuovvu oaidnit tákstadási ja submi. Buot mátkkit galgá registreret táksamehterii maiddái dalle go mátki gaskkustuvvo áppas, ja vaikko áppas lea máksinčoavddus.

Doaibmalohpeovddasvástideaddjit fertejit háhkat táksamehtera ja sus lea ge ovddasvástádus ahte buot mátkkit registrerejuvvojit, maiddái daid maid bargit vudjet. Fertet logget drošše geográfalaš báikki, mii čájeha juohke mátkki álgosadji ja loahpahanbáikki. Dieđut galget vurkejuvvot 60 beaivvi.

Jus smávva mátkkoštusealáhusdoaimmat áiggut geavahit droššedoaibmalohpi, ja johtolat lea oassin ollislaš oahpistemiin dahje vásihemiin mat dáhpáhuvvet ollásit doaimma olis, de sáhttá ohcat sierralobi luvvejuvvot táksamehtera ja dáhkkečuovgga gáibádusas. Sierra ohcamuš galgá sáddejuvvot Romssa fylkkasuohkanii.  Ohcan luvvejuvvot táksamehter ja dáhkkečuovgga gáibádusas. (PDF, 88 kB)

Droššedoaibmalobi doaibmaeavttut iešdieđáhus

Doaibmalohpeovddasvástideaddji galgá ovdalgo doaibmalohpi biddjojuvvo doibmii, sáddet devdojuvvon skovi fylkkasuohkanii. Iešdieđáhusain galgá doaibmalohpeovddasvástideaddji duođaštit ahte doaibmalobi eavttuid leat devdon. 

Skovis galget leat čuovvovaš mildosat:

• Registtargoartta kopiija - buot siiddut - mat čájeha ahte fievru lea registrerejuvvon droššen, ja
• Kopiija guittes ahte leat sádden dieđu táksamehtera installašuvdnadárkkisteami birra Justervesen:i.
• Skovi galgá deavdit ja sáddet ruovttoluotta midjiide oktan duođaštusaiguin ovdal go sáhttá geavahišgoahtit doaibmalobi.

Droššedoaibmalobi doaibmaeavttut iešdieđáhus (PDF, 164 kB)