Gii galgá ohcat
Buohkat geat háliidit jođihit droššeguovddáža ferte leat sierra doaibmalohpi (guovddášdoaibmalohpi).
Gáibádusat oažžut doaibmalobi
- Duohta ja bistevaš doaibma: Dus galgá leat duohta ja bistevaš doaibma Norggas.
- Buorre láhtten: Duođaštit politiijaduođaštusain.
- Dohkálaš ekonomiija: Duođaštuvvo vearroduođaštusain, Reastaluvvanregistaris ja dáhkádusain báŋkkus dahje dáhkádusas. Dáhkádusduođaštusas galgá leat kruvdnoárvu mii vástida 27 000 euro.
Dokumeanttat maid fertet sáddet sisa
- Politiijaduođaštus: beaivválašjođiheaddji ovddas, ii boarrásit go 3 mánu.
- Vearroduođaštus: beaivválašjođiheaddji ja guovddáža.
- Dáhkádusduođaštusas: Báŋkkus dahje dáhkádusfitnodagas mas lea ruhtaárvu mii vástida 27 000 euro.
Dáhkádusduođaštus
Sáddejuvvo njuolga dáhkideaddjis fylkkagildii.
- Dáhkádussupmi: Johtolatdepartemeanta mearrida dan jahkásaččat. Ođđajagimánu 1. b. 2026 rájes juovlamánu 31. b. 2026 rádjai lea submi 315 000 ruvnno.
Bálvalusmáksu
3 700 ru: Guovddášdoaibmalohpi ohcamušbálvalusmáksu.
Gáibádus searvat droššeguovddážii
- Buohkat geain lea droššedoaibmalohpi fertejit gullat dohkkehuvvon droššeguovddážii ovdal njukčamánu 1. b. 2025.
- Go juolluduvvo droššedoaibmanlohpi, de ferte gullat muhtin dohkkehuvvon droššeguovddážii 2 mánu siste.
- Droššeguovddážis lea ovddasvástádus ođasmahttit doaibmalohpeeiseváldái jus muhtin doaibmalohpeeaiggát loahpaha gullevašvuođa guovddážii.
Gáibádusat droššeguovddážii
- Droššeguovddáš ferte registreret ja ođastit dieđuid:
- Gullevaš doaibmalohpeeaiggádat ja vuoddjit
- Droššiid doaibmalohpenummiriid ja registtarnummiriid
- Tákstamehter ja ráidonummir
- Galle drošše leat olámuttos ja man viiddis govččoguovlu lea
- Galle drošše leat heivehuvvon doaimmashehttejuvvon olbmuide
- Droššeguovddážat fertejit čohkket, vurkkodit ja sáddet dieđuid ámmátfievrredanlága § 9 c ja § 9 d vuođul.
- Guovddáš galgá sáddet dieđuid eiseválddiide go sii bivdet dan dahkat.
- Guovddáš ferte fállat fievrrideami doaimmashehttejuvvon olbmuide ja sis ferte leat váidinortnet kundariid várás.
Bearráigeahččan ja sankšuvnnat
Doaibmalohpestivrenváldi bearráigeahččá droššeguovddážiid ja sáhttá geatnegahttit divvumii jos gáibádusat eai leat devdojuvvon. Jus ii ollašuhte, de sáhttá doaibmalohpi gessojuvvot ruovttoluotta.
Lágat ja láhkaásahusat
• Ámmátfievrredanláhka
• Fidnofievrrádusláhkaásahus
• Rievdadanláhkaásahus fitnofievrrádusláhkii
Ohcanskovvi
Nationála ohcanskovvi (elektronihkalaš) leat hábmemin. Dassážii go dát lea ollašuhttojuvvon, de ferte ohcama sáddet deike:
Deaddil dákko jus áiggut ohcat