Romssa fylkkakulturguovddáš guossedáiddabádji

Mii eaiggádat ja doaimmahat Romssa fylkkakulturguovddáš guossedáiddabáji. Dáiddárat, giehtadáiddárat, kuratorat ja dáiddaárvvoštallit Barentsguovllus ja Sámis hásttuhuvvojit ohcat.

Gjesteatelieret/The Guest Studio, Troms fylkeskultursenter - Deaddil ja stuora govva ihtáGjesteatelieret/The Guest Studio, Troms fylkeskultursenter Jasmina Bosnjak/Frank Ludvigsen

Go to the English version of this page

Ohcanáigemearri

Ohcanáiggemearri 2024 guosseorrumii lea geassemánu 15.b. 2023.

Guossedáiddabádjeortnet lea oassi fylkkagieldda strategiija nannet internationála ovttasbarggu ja doarjut lonohallanvejolašvuođaid regiovnna dáiddáriidda ja institušuvnnaide. 

Fylkkakulturguovddáš guossedáiddabájis leat visot viessobiergasat ja doppe lea beaivelatnja, basadanlatnja (mas lea bassaladdanmašiidna ja bivttasgoikanmašiidna), gievkkan (35 m2) ja dáiddabádji (20 m2). Leat vilges seainnit, allat rohpe vuolde ja buorre čuovga. Guossedáiddabájis lea nuvttá áibmu fierpmádat.

Njuolggadusat

  • Guossedáiddabádjeortnet lea fálaldat ámmátlaš dáiddáriidda/giehtadáiddáriidda geat háliidit orrut ja bargat Romssas ráddjejuvvon áigodaga.
  • Guossedáiddabádji lea erenomáš fálaldat dáiddáriidda giehtadáiddáriidda, kuratoriidda ja dáiddaárvvoštalliide geat leat Davvi-Norggas/Barentsguovllus/Sámis eret, muhto earát sáhttet maiddái ohcat.
  • Mii fállat nuvttá orrunsaji ja geavahit dáiddabáji guossedáiddáriidda/giehtadáiddáriidda, duojáriidda, kuratoriidda ja dáiddaárvvoštalliide. Lea vejolaš geavahit Romssa fylkkakulturguovddáš oktasašbájiid
  • Dáiddárat, giehtadáiddárat, kuratorat ja dáiddaárvvoštallit sáhttet ohcat orruma unnimusat guovtte vahkkui dahje eanemusat guovtte mánnui.
  • Ohcamuša meannudeamis deattuhat ovttasbarggu gaskal ámmátlaš aktevrraid Romssa fylkkakulturguovddážis, báikkálaš aktevrat visuála dáiddasuorggis, ohcci orruma prošeaktačilgehusa ja maiddái doaimma váikkuhusat báikegoddái.
  • 1-2 dáiddára, giehtadáiddára, kuratora ja dáiddaárvvoštalli sáhttet ohcat orruma oktanaga. Jus guovttis háliideaba oktanaga orrut, eaktuda juogadit báji, basadanlanja, gievkkana ja oađđenlanja.
  • Guossedáiddabáji ii sáhtte geavahit priváhta orrumii Romssas, dahje idjadanfálaldahkan.
  • Fylkkagielda jođiha sierra artist-in-residence ja fierpmádatprošeavtta Barentsguovllus, ja láhčá dáiddalonuheami. Dáiddárat geat gullet dáidda prošeavttaide sáhttet vuoruhuvvot muhtin áigodagaid.
  • Soahpamuš galgá vuolláičállojuvvon eaiggádin ovdal guosseorruma. Dáiddabáji ii sáhte geavahit vuolleláigoheapmái dahje eará dáiddárat earet go son guhte lea dahkan soahpamuša.

Go to the English version of this page

AiR prográmmat

Davviriikkalaš-baltisk A-i-R - Romssa fylkkakulturguovddáža prográmma mii doarju dáiddafierpmádaga ja dáiddáriid Davviriikkas ja Baltikumas, ja maiddái báikkálaš dáiddaorganisašuvnnaid.