Ohcanáigemearit
Ohcanportála vigo.no rahppojuvvo juohke jagi vahku 2.
Ná ozat - rávvagat
- Mana vigo.no
- Logge sisa MinID dahje BankID geavahemiin
- Vállje fylkka Romsa
- Čále iežat sávaldagaid (oahppoprográmma ja skuvla)
- Dárkkistahte iežat dieđuid ja sádde ohcama
- Sáhtát rievdadit ohcama gitta ohcanáigemeari rádjai.
1.ceahkki ohcci ferte čállit golbma dahje eanet sávaldagaid, go dalle lea riekti oažžut saji ovtta dain golbma vuoruhuvvon oahppoprográmmii. 2. ceahkki dahje 3. ceahkki ohccis lea vuoigatvuohta beassat prográmmasuorgái mat hukset dan man juo leat čađahan ja ceavzán.
Geahča geavaheaddjirávvema mo ohcat VIGO:s dás
Dehálaš muitit
- Iskka fertet go merket muhtin čuoggái lassegažaldagain
- Dus fertet leat Romssa fylkka álbmotregistaris ovdal njukčamánu 1. beaivvi. Jus áiggut fárret deike, de fertet fárren ferte leat registrerejuvvon Álbmotregistarii ovdal borgemánu 10. beaivvi.
- Iskka lea go du e-poastačujuhus ja telefonnummar riekta - dasa bohtet dehálaš dieđut.
- Dus lea ovddasvástádus ahte du ohcan lea riekta ja sáddejuvvon rivttes áigái.
Maid sáhtát ohcat?
Sáhtát ohcat iešguđet lágan joatkkaoahpahusa oahppoprográmmaide.
Vuoigatvuođat ja sisaváldinregiovnnat
Romssa fylka lea juhkkojuvvon sisaváldinregiovnnaide. Dábálaččat ozat skuvllaide iežat regiovnnas. Jus orut lahka fylkaráji, de lea dus vuoigatvuohta ohcat ránnjáfylkka skuvllaide.
Jus it leat registrerejuvvon Romssa fylkka álbmotregistarii ovdal njukčamánu 1. b., de sáhtát liikká oažžut skuvlasaji jus fárret deike.
Dalle fertet:
- duođaštit ahte leat fárren ovdal geassemánu 15. beaivvi,
- fuolahit ahte ođđa čujuhus lea registrerejuvvon Álbmotregistarii maŋimustá borgemánu 10. beaivvi.
- sáddet fárrenalmmuhusa maŋemusat 31 beaivvi ovdal fárrema ja maŋemusat 8 beaivvi maŋŋil fárrema.
Jus du čujuhus ii leat rievdaduvvon Álbmotregistaris ovdal borgemánu 10. beaivvi, de sáhtát sáddet fárrenalmmuhusa ja duođaštussan šearbmagova mas oaidnit fárrenduođaštusa.
Maŋŋil go leat ohcan
- Oaččut dieđu vigo.no:s go du sisaváldin lea čađahuvvon.
- Vástit fálaldaga áigemeari siste - jus it vástit, de massát skuvlasaji.
- Don sáhtát ovdal gihtii vástidit "JUO" fálaldahkii juo dalle go ozat saji, vai sihkkarasto sadji. Loga eambbo mo vástidit oahppofálaldahkii vilbli.no
- Sisaváldinkaleandaris gávnnat oppalašgeahčastaga dehálaš dáhtoniid Romssa fylkka joatkkaskuvllaid sisaváldima birra.
Goas oaččun vástádusa skuvlasaji birra?
Vuosttaš sisaváldin lea 27. / 28. vahkku ohcciide geain lea nuoraid riekti. Vástádusat ohcamii almmuhuvvojit vigo.no:s. Dás oainnát guđe skuvlii leat ožžon saji ja leat go vejolaččat vuordinlisttus. Ohccit vuordinlisttus, ohccit geain lea rávisolbmovuoigatvuohta, ja ohccit eará fylkkain geat šaddet guosseoahppin Romssa fylkkas, ožžot vástádusa ohcamii suoidnemánu loahpas.
Sierra njuolggadusat ja gáibádusat
Muhtin oahppoprográmmain leat sierra gáibádusat, ovdamearkka dihte dearvvašvuođagáibádus ja politiijaduođaštus.
Loga eambbo dán birra vilbli.no dahje skuvlla neahttasiiddus.
Dávjá jerrojuvvon skuvlasaji ohcama birra
Dat sáhttá leat vejolaš. Fertet ieš váldit oktavuođa guoskevaš skuvllain borgemánu 1. b. maŋŋil gullat lea go skuvllas guoros skuvlasadji dahje sáhttet go sii bidjat du vuordinlistui.
It sáhte. Ii leat vejolaš válljet vuolit válljejumi. Fuomáš ahte jus vástidit " in " 1. gažaldahkii, de ii oaččo makkárge skuvlafálaldaga.
Fertet váldit oktavuođa skuvllain ovdal čakčamánu 1. beaivvi jus don háliidat diehtit leat go guoros sajit.
Iskka skuvlla ruovttusiiddus dieđuid goas ja gos galggat leat vuosttaš skuvlabeaivvi.
Sáhtát massit skuvlasaji jus it boađe vuosttaš skuvlabeaivvi. Fertet dieđihit skuvlii jus it sáhte boahtit.
Dárbbašat go veahki?
Váldde oktavuođa jus leat gažaldagat ohcamuša, áigemeriid dahje fárrema birra.
Váldde oktavuođa vuostáiváldinkantuvrrain: Geavat oktavuođaskovi
Telefovdnabálvalus Romssa fylkkasuohkan: 77 78 80 00