Sihke Harstad Pride ja Arctic Pride ožžot ruđaid regionála kulturfoanddas 2026:s. Arctic Pride

– Regionála kulturfoandda ulbmil lea lasihit aktivitehta ja ovttasbargu, ja ášši čájeha ge ahte dáhpáhuvvá ollu sajiin. Mii liikot dadjat mis lea buorre juohkinkultuvra davvin, ja dat deattuha ohcamušaid lohku. Doarjjaortnet ii leat dušše mielde nannemin gelbbolašvuođa, muhto dat čalmmustahttá maiddái dan čeahpes professionála kultursuorggi mii mis lea Romssa fylkkas, ja dan man viiddis eaktodáhtolaš suorgi lea, dadjá váldolávdegotti jođiheaddji Eirik Losnegaard Mevik juolludeami oktavuođas.

Eanet doaimmat ja searvan

Dat doaibmabijut mat leat ožžon ekonomalaš doarjaga, váikkuhit loktet doaimmaid ja oassálastima báikkálašservodagain miehtá fylkka, dasa lassin loktet kulturfálaldagaid kvalitehta árjjalaš ja buori ovttasbarggu gaskkal profešuneala ja eaktodáhtolaš kultursuorggi.

Leat boahtán ohcamat buot lágan organisašuvnnain, ásahusain, vuođđudusain, servviin ja ovttaolbmofitnodagain, ja doaimmat leat hui máŋggaláganat ja iešguđetláganat.

Maiddái dán jagi juolludemiin leat eanaš ohcamušat musihkkasuorggis, muhto leat maid buorit prošeavttat lávdedáidaga, visuála dáidaga, kulturmuittuid/kulturárbbi ja girjjálašvuođa/girjerádju suorggis, ja dasto vel máŋga fágaidgaskasaš prošeavttat.

Oktiibuot bohte 71 ohcama ohcanáigemearrái juovlamánu 1. beaivái, ja 55 ohcama ožžo doarjaga.

Geahča geat ožžot doarjaga dás (PDF, 59 kB)