Simmas lea guhkes ja viiddis hárjáneapmi filbmabarggus sihke dokumentára- ja fikšuvdnašáŋŋeriin, ja lea iežas dáiddalaš ja filbmafágalaš bargguin duođaštan bohtosiid máŋggaid logijagiid.

Fylkkavárresátnejođiheaddji Benjamin Furuly geigii sihke bargostipeandda ja lihkusávaldagaid Paul-Anders Simmai dán jagi maŋimus fylkkadikkis.

Vuosttas geardde juhkkojuvvon 

Bargostipeanda galgá leat veahkkin addit filbmabargiide vejolašvuođa viidáseappot ovddidit iežaset dáiddalašvuođa filbmasuorggi siskkobealde. Dán jagi dat juhkkojuvvui vuosttaš geardde.

Stipeandda lea vejolaš ohcat, ja ohcamušaid árvvoštallá suorggi fágajury.

Fágajury ákkastallan

Dán jagi bargostipeandda fágajury mielas leat olu ohcamat, alla fágalaš dássi ja máŋggabealat ohccit filbmabargostipendii. Ohcciid gaskkas leat sihke easkkaálgit ja ásahuvvon filbmabargit.

Fágajury lea 2025 ohcamušaid árvvoštallamis erenoamážit deattuhan mo kandidáhtat čilgejit mo sii háliidit geavahit stipeandda, ja mo sii čilgejit mo stipeanda lea ávkin sin dáiddalaš ovdáneapmái.

Fágajury árvvoštallá ahte dán jagi stipeandavuostáiváldi lea earenoamáš dan dáfus ahte su prošeavttas vuhtto kvalitehta, sus leat alla dáiddalaš áigumušat, ja sus lea buorre čađahanplána.

Stipeandavuostáiváldi prošeakta lea mielde čalmmustahttime unnán dovddus oasi eurohpálaš koloniijahistorjjás. Prošeakta ovdána máŋgga oasis ja das lea sihke dokumentára- ja fikšuvdnaoassi.

Fágajury rámiida stipeandavuostáiváldi prošeavtta go dat lea ođđajurddašeaddji, ja árvvoštallá ahte ohccis lea dáiddalaš ja filbmafágalaš máhttu ja dáhttu čađahit prošeavtta buori vuogi mielde.