Romssa fylkkasuohkanis lea okta riikka stuorimus dáiddačoakkáldagain, mas leat sullii 1350 dáidaga. Min dáiddačoakkáldat lea fylkkasuohkana visttiin miehtá fylkka. Dat lea ovttastuvvon dáiddabarggut ja bođudáidda Romssa Fylkkasuohkana Fylkkaviesus, joatkkaskuvllain ja bátnedivššohagain, ja eará visttiin maid mii eaiggáduššat.
Dáidda olámuttus buohkaide
Romssa fylkkasuohkan háliida ahte nu ollugat go vejolaččat galget beassat vásihit min čoakkáldaga dáidaga.
2004 rájes lea mis leamašan ovttasbargošiehtadus Davvi-Norgga dáiddamuseain (NNKM) das mii guoská dáiddafágalaš čuovvoleapmái min čoakkáldagas ja min dáiddačoakkáldaga dáhtabása doaimmaheapmái. Mii luoikkahit govaid min čoakkáldagas čájáhusaide maid nationála dahje regionála dáiddamuseat lágidit.
Skábmamánu 7. beaivvi rahppo viiddis čájáhus sámi dáiddáris Aage Gaupas Modern Museas Stockholmas. Čájáhus lokte ovdan Aage Gaupa máŋggabealat dáiddalašvuođa, ja váikkuha vai sámi dáidda ja kulturárbi oainnusmahttojuvvo stuorra ja riikkaidgaskasaš gehččiide. Lena Essling ja Joa Ljungberg leaba kureren čájáhusa.
Loga eambbo čájáhusa birra ja geahča govaid Moderna Musea siidduin
Romssa fylkkasuohkan oamasta guokte dáidaga maid Aage Gaup lea ráhkadan. Skulptuvra " Almmiráidalas /Himmelstigen" 1989:s, mii lea luoikkahuvvon Moderna Museii, lea beaivválaččat Romssa Breivang joatkkaskuvllas.
Dán jagi leat luoikkahan njeallje Synnøve Persena dáidaga Davvi-Norgga Dáiddamuseii čájáhussii "Havet gynger, himmelen hvisker", ja vihtta Hans Ragnar Mathisena dáidaga festiválačájáhussii Áilo-Máhtte-Hánsa - Sámis Máilbmái Riddu Riđđu Festiválii.
