Hui mávssolaš ealáhusaide

Ruovdemáđii addá maiddái ođđa vejolašvuođaid fitnodagaide, ja nu nannet gilvalannávccaid. Mii sáhttit vásihit ekonomalaš ahtanuššama, muhto maiddái oadjebasvuođa das ahte báikkálaš ealáhusat sáhttet ahtanuššat beroškeahttá olggobeale dahkkiin.
Ruovdemáđii huksen lea maiddái servodaga huksen - addá positiivva ovdáneami mii sihkkarastá Romssa fylkka, riikkaoasi ja riikka.

Regiovnna ekonomalaš ja sosiála ovdáneapmi

Romssa fylkkas lea hui stuorra vejolašvuohta šaddat Davvi-Norgga, Norgga ja Davviriikkaid ovdánahtti guovlun. Regiovnnas leat valjis luondduriggodagat, máhttu ja kultuvra, muhto váilu dohkálaš infrastruktuvra vai daid sáhtášii ávkkástallat ollásit.
Ruovdemáđii rahpá vejolašvuođaid lasihit ekonomalaš doaimmaid, ođđa bargosajiid ja buoret oktavuođaid gaskal gávpogiid ja čoahkkebáikkiid.
Ruovdemáđiioktavuohta gaskal Áhkánjárgga ja Beardogoržži čatnagoađášii riikkaoasi buorebut oktii fylkkaráji gaskal Nordlándda ja Romssa. Nannešii maiddái Áhkánjárgga logistihkkaguovddážin ja leat positiiva oalgeváikkuhusat olles riikkaoassái.
Vejolaš ođđa sisaboahtinluodda Romssa gávpogii máttás guvlui Málat bokte dagahivčče mátki gaskal Romssa ja Beardogoržži 50 minuhta oanehit. Dagahivčče dieđusge hirbmat stuorra synergiijat maiddái ruovdemáđii oktavuođa Berdui. Dat boahtá buorrin olles riikkaoassái ja riikii.
Loga guđe ovdamunit leat go lea ruovdemáđii johtolat Romssa fylkii.

Didjiide ja midjiide geat dán guovllus orrut mearkkaša ruovdemáđii oaneheabbo mátkkošteami, álkit mátkkošteami ja buoret vejolašvuođa beassat bargui, ohppui ja dearvvašvuođabálvalussii.
Lea dakkár prošeakta mii nannešii guovllu ja unnidivččii gaskkaid mat dál orrot nu stuorrát. Ruovdemáđii Romssa fylkii ii leat dušše fievrridančoavddus, muhto dat lea maid sosiála revolušuvdna mii addá ássiide nannosat gullevašvuođa ja vejolašvuođaid.

Fitnuide mat eksporterejit gálvvuid lea ruovdemáđiioktavuohta Romssa fylkii gaskal Narviika ja Beardu hirbmat mávssolaš. Sihke hálbbes molssaeaktu, muhto geaidnu sihkkarastá maid buoret gálvofievrrideami ja hálbbit gálvvuid davvin.
Ceavzilis mátkeealáhusa oktavuođas sáhttá ruovdemáđii dahkat álkibun juohkit gussiid eanet guovlluide. Togamátki čáppa Davvi-Norgga eanadagaid čađa sáhttá leat sierra vásáhus, seamma ládje go mii oaidnit ovdamearkka dihte Duiskkas ja Canada:s.

Geahča maiddái:

Loga eambbo manne geaidnu lea dehálaš dáppe:

Gearggusvuhtii ja servodatsihkkarvuhtii Servodatovddideapmái Biras ja ceavzilvuohta