Jus vásihat ahte it oaččo doarvái buori oahppanávkki dábálaš oahpahusas, de mii rávvet du vuos háleštit fágaolbmuin dan birra – jogo skuvlla oahpaheddjiin dahje ráđđeaddiin dahje pedagogalaš psykologalaš bálvalus (PPT).
Geaidnu viidáseappot
- Kárten ja doaibmabijut
Skuvla kárte ja árvvoštallá du ávkki heivehuvvon oahpahusas ja geahččaladdá doaibmabijuid.
- Pedagogalaš raporta
Jus čájehuvvo ahte don it oaččo dohkálaš ávkki dábálaš oahpahusas, de čállá skuvla pedagogalaš raportta kártema vuođul.
- Lágideapmi PP-bálvalussii
Skuvla sádde lágidančujuhusa PP-bálvalussii ovttas pedagogalaš raporttain. Váhnemat, dearvvašvuođadivššár dahje don ieš sáhtát maid sáddet lágidančujuhusa PP-bálvalussii. Dasa gáibiduvvo du miehtan.
- Áššedovdi árvvoštallan
PP-bálvalus ráhkada áššedovdi árvvoštallama du váttisvuođain, nana beliin, viidásat heiveheamis ja oahppanmihtus. PP-bálvalus váldá oktavuođa duinna ja earáiguin geaiguin lea heivvolaš ja guovdil ovttasbargat.
- Eaŋkilmearrádus erenoamášoahpahusa birra
Rektor dahká eaŋkilmearrádusa erenoamášoahpahusas, áššedovdi árvvoštallama vuođul. Eaŋkilmearrádus mearrida guđe oahpahussii dus lea vuoigatvuohta.
- Oktagaslaš oahppoplána
Du oahpaheaddji hábme dutnje oktagaslaš oahppoplána daidda fágaide main lea mearriduvvon ahte don oaččut erenoamášoahpahusa.
- Čuovvuleapmi
Jus don vásihat ahte it šat dárbbaš erenoamášoahpahusa dahje ahte dus leat ođđa heivehandárbbut, de sáhttá dárbbašuvvot ođđa áššedovdi árvvoštallan ja ođđa mearrádus.