Albmat ášši

Go don vásihat dahje du mánná vásiha ahte skuvllas ii leat dorvvolaš ja buorre dilli, de galggat dieđihit oahpaheaddjái dahje skuvlajođiheaddjái. 

Vaikko nu ii gáibiduvvo, de lea goit jierpmálaš albmadit čálalaččat – dá lea evttohus movt dan sáhtát dahkat:

Láhkamearrádusat celket ahte leat máná vásihusat maid galgá atnit vuolggasadjin, iige movt skuvla dulko dilálašvuođa – dán birra gávdnabehtet dieđuid Oahpahusdirektoráhta neahttasiiddus.

Mana siidui "Retten til et trygt og godt skolemiljø" [Vuoigatvuohta dorvvolaš ja buorre skuvlabirrasii] | udir.no

Proseassa ovddos guvlui

Go lehpet sádden sisa dieđáhusa vuorjašumis nugo namahuvvon bajábealde, de galgá skuvla ráhkadit aktivitehtaplána mii čájeha movt skuvla galgá váfistit oahppái dorvvolaš ja buorre skuvlabirrasa, gč. oahpahuslága § 12-4.

Buorre ja konkrehta aktivitehtaplána galgá dál ráhkaduvvot. 

1. Givssidanáittardeaddjit leat ráhkadan iskanlisttu mas leat čuoggát mat dahket aktivitehta čielgaseabbon ja konkrehtalaččabun sihke oahppái, váhnemiidda ja skuvlii. Váldde dán áinnas mielde čoahkkimii skuvlii. Don gávnnat iskanlisttu dás vuolábealde. 
2. Aktivitehtaplána galgá čilget movt skuvla áibbas konkrehtalaččat galgá bargat aktiivvalaččat váfistan dihtii ahte du mánná vásiha dorvvolaš ja buorre skuvlaárgabeivviid.
3. Skuvla ráhkada iešguđetlágan doaibmabijuid – sihke oahppi ja doai váhnemat galgabehtet vuordit ahte doaibmabijut leat konkrehtalaččat ja ahte skuvla čuovvula ášši jámma árvvoštallamiin ohppiin ja dudnuin ovttas vai doaibmabijuid beaktu joatkevaččat árvvoštallojuvvo.
4. Bargit galget čuovvut mielde, ja aktiivvalaččat seaguhit iežaset juos loavkideamit dihttojit. Plánas galgá maiddái boahtit ovdan movt skuvla galgá bargat eastadeaddjin amaset loavkideamit dáhpáhuvvat.

Oahpahuslága § 12-6 mielde galgá skuvla álggahit barggu vahku siste. Juos dát ii dahkkojuvvo dahje aktivitehtaplána ii čuovvuluvvo, de sáhttibehtet váidalit ášši njuolga Stáhtahálddašeaddjái. 

Mana neahttasiidui Statsforvalteren.no gos gávnnat lasi dieđuid 

Iskanlistu aktivitehtaplána várás

Áittardeddjiid rolla

Givssidanáittardeaddji rolla lea doaibmat sorjjasmeahttun resursaolmmožin mánáide, nuoraide ja váhnemiidda dán barggus.

Loga lasi Givssidanáittardeaddji rolla hárrái dáppe

Juos dárbbašat lasi čuovvuleami dahje dárbbašat dušše ságastallat Romssa Ohppiid-, fidnoohppiid- ja givssidanáittardeddjiin, de sáddestat midjiide bivdaga dákko:

Váldde oktavuođa Romssa Ohppiid-, fidnoohppiid ja givssidanáittardeddjiin

Ávkkálaš liŋkkat

• Láhka vuođđoskuvlaoahpaheami ja joatkkaoahpaheami hárrái (oahpahusláhka) - Lovdata
• Omnimodealla dorvvolaš ja buorre bajásšaddanbirrasa várás