Les på norsk

Duogáš

Davvi-Norgga girjjálašvuođa strategiija deattuha ahte kvaliteahttagirjjálašvuođa buvttadeapmi galggašii lassánit Davvi-Norggas. Dálááiggegirjjálašvuođas lea dehálaš mearkkašupmi dasa makkárin riikkaoassi neaktá ja mo oaidná iežas. Buorre čáppagirjjálašvuohta duddjo rámisvuođa, gullevašvuođa ja fuopmášumi riikkaoassái.

Davvi-Norgga fylkkasuohkanat juhket guokte jahkásaš bargostipeandda mat goabbáge leat 100 000 kruvnnu. Stipeanddat galget addit Davvi-Norggas ássi girječálliide ekonomalaš doarjaga čállit čáppagirjjálašvuođa. 

Nubbi stipeandda juolluduvvo girječállái gean ulbmiljoavku leat rávesolbmot, nubbi juolluduvvo ovddemustá girječállái gean ulbmiljoavku leat mánát ja nuorat. Vejolaš lea buktit ovtta ohcamuša goappáge ulbmiljoavkku várás, muhto ovtta ja seamma olbmui eai sáhte juolluduvvot goappašat stipeanddat.

Girjjálašvuođaovttasbarggu Davvi-Norggas hálddašit Nordlándda, Romssa ja Finnmárkku fylkkagirjerájut, ja lea Davvi-Norgga girjjálašvuođastrategiija barggu čuovvoleapmi.

Eavttut ohcat bargostipeandda

• Girječálli ferte ássat Davvi-Norggas
• Čálus ferte leat čáppagirjjálaš teaksta
• Girječálli ferte leat sisa ostojuvvon Norgga kulturráđis dahje leat girječálliorganisašuvnna miellahttu
• Girječállit geat leat ožžon bargostipeandda eai sáhte ohcat čuovvovaš jagi

Gáibádusat ohcamuššii

• Ohcamuš galgá sisdoallat 15 siidosaš almmutkeahtes teakstabihtá ja dieđuid prošeavtta hárrái masa teakstabihttá gullá.
• Ohcci ferte bidjat iežas áššáiguoskevaš CV:a mildosiin ja čilget mo stipeanda galgá geavahuvvot
• Mildosiid galgá lea PDF-fiila hámis
• Ohcci galgá geavahit elektrovnnalaš ohcanskovi

Les fullstendige retningslinjer for arbeidsstipendet her (PDF, 58 kB)

Ohcanáigemearri

Ohcanáigemearri lea borgemánu 14.b. 2026.

Ohcanskovvi lea rabas geassemánu 20.beaivvi rájes borgemánu 14. beaivvi rádjai.

Mana ohcanskovvái 

Jury

Jurys leat guokte ovddasteaddji Davvi-Norgga girjjálašvuođabirrasis ja okta ovddasteaddji girjjálašvuođabirrasis mii ii gula Davvi-Norgii. Jury vállje stipeandavuostáiváldiid. Go jury lea dahkan mearrádusa, de dieđihuvvojit stipeandaoažžuide.

Gulahallanolmmoš