Min eaiggádat riikkaoasi stuorámus dáiddačoakkáldaga. Das leat sullii 1300 dáidaga.

Romsa lea ovdavázzinfylka dáidaga oastima ja hálddašeami dáfus. Mii várret ruđaid ođđa vistti dáidagii nationála dáiddapolitihka vuođul dáidaga birra almmolaš báikkiin.

Ortnega ulbmil lea nannet dáidaga buvttadeami ja gaskkusteami, ja dahkat dáidaga olahahttin olbmuide árgabeaivvis.

Olámuttos álbmogii

2004 rájes lea mis leamaš ovttasbargošiehtadus Davvi-Norgga dáiddamuseain (NNKM) čoakkáldaga dáiddafágalaš čuovvuleami hárrái. NNKM hálddaša dáiddačoakkáldaga dakko bokte ahte registrere dáidagiid. Dasa lassin sii ođasmahttet ja doaimmahat diehtovuođu nu ahte mis álo lea bajilgovva gos min dáiddadahkosat leat.

Šiehtadus NNKM:in geatnegahttá fylkkasuohkana dahkat min dáidaga olahahttin álbmogii. Musea sáhttá luoikkahit govaid min čoakkáldagas nationála dahje regionála dáiddamuseaid čájáhusaide.

Dáidagat čoakkáldagas luoikkahuvvojedje earret eará Dáiddahállii Troandimis (noe beveger seg sakte i en annen retning, Tråante 2017), Sámi čájáhussii KunstStallenis (2019) ja Sámi dálááiggi dáidaga guovddážii (grafihkkačájáhus Coventus, 2019). 

Čoakkáldaga kataloga

Mii almmuheimmet 2009:s iežamet dáiddačoakkáldaga kataloga. NNKM lea registreren ja govven buot dáidaga midjiide musea fágalaš eavttuid mielde.

Kataloga doaibmá dego bagadeaddjin min visttiid geavaheddjiide. Dat addá dieđuid dáiddasuorggi ámmátbargiide, ja dat lea ofelaš min ássiide ja geavaheddjiide.

Čoahkkádusa ovdánahttin

Bargu ovdánahttit čoahkkádusa dáhpáhuvvá ođđa háhkamiid bokte. Mii geahččat čoahkkádusa ollisvuohtan, eatge dušše ovttaskas dahkosiid oastin.

Erenoamážit deattuhat govvadáidaga ja dáiddaduoji maid fylkka ja riikkaoasi dáiddárat leat ráhkadan.

Ođđa oastimis mii ávkkástallat NNKM dáiddafágalaš gelbbolašvuođain. Musea fágalaš bargoveahka doaibmá min dáiddačoakkáldaga oastinlávdegoddin. Dáidagat mat galget gullat čoakkáldahkii, ferte kvalitehtasihkkarastit ja čađahit dán fágalaš proseassa.
 

Marit Følstad: Disintegration, 2012. Neon verket gullá Romssa ja Finnmárkkufylkkagieldda dáiddačoakkáldahkii Victor Omma/TFFK